တောင်သူလယ်သမား ဖွံ့ဖြိုးရေးဘဏ်လီမိတက် (FDB Bank) ပထမဦးဆုံး ရန်ကုန်ဘဏ်ခွဲကို စတင်ဖွင့်လှစ်

တောင်သူလယ်သမားဖွံ့ဖြိုးရေးဘဏ် လီမိတက် – မန္တလေး (FDB Bank) သည် ၎င်း၏ပထဦးဆုံး ရန်ကုန်ဘဏ်ခွဲကို ရွှေဘုံသာလမ်း (အထက်ဘလောက်)၊ ပန်းပဲတန်းမြို့နယ်တွင် စတင်ဖွင့်လှစ်လိုက်ပြီဖြစ်သည်။ အသေးစား၊ အလတ်စား စီးပွားရေးလုပ်ငန်းများ၊ စီးပွားရေး လုပ်ငန်းစုများနှင့် အများပြည်သူများတို့အနေဖြင့် ဘဏ်လုပ်ငန်းဆိုင်ရာ ဝန်ဆောင်မှုအမျိုးမျိုးကို FDB Bank တွင် ရယူ အသုံးပြုနိုင်မည်ဖြစ်သည်။

FDB Bank သည် ဝန်ဆောင်မှုရယူသုံးစွဲသူအယောက်စီတိုင်းအတွက် ပြည်တွင်းငွေလွှဲခြင်း၊ အပ်ငွေ၊ ချေးငွေ၊ ATM/CRM ဝန်ဆောင်မှု၊ ကတ်ဝန်ဆောင်မှု၊ payroll ဝန်ဆောင်မှု၊ Bank Guarantee ဝန်ဆောင်မှု၊ Premier Banking ဝန်ဆောင်မှု အပါအဝင် အခြားသောအထွေထွေဘဏ်ဝန်ဆောင်မှုများကို အကောင်းဆုံးဝန်ဆောင်မှု များဖြင့် ပံ့ပိုးဖြည့်ဆည်းပေးနိုင် ရန် ဆောင်ရွက်သွားမည်ဖြစ်သည်။

Photo Source https://www.facebook.com/FDBbankmm/

“ကျွန်တော်တို့ FDB Bank မိသားစုအားလုံးက ပြည်သူတစ်ဦးတစ်ယောက်ချင်းစီနဲ့ စီးပွားရေးလုပ်ငန်းရှင်တွေ ရဲ့အပ်ငွေ၊ ချေးငွေတွေနဲ့ ပတ်သက်တဲ့ မတူညီတဲ့ လိုအပ်ချက်တွေကို အကောင်းဆုံးဖြည့်ဆည်းဝန်ဆောင်ပေးဖို့ စိတ်လှုပ်ရှားနေကြ ပါပြီ။ FDB Bank က စီးပွားရေးလုပ်ငန်းရှင်တွေအတွက် အသေးစားနဲ့ အလတ်စားလုပ်ငန်း ချေးငွေ (SME Loan) နဲ့ ကုန်သွယ်လုပ်ငန်းဆိုင်ရာချေးငွေ (Commercial Term Loan) တွေအပြင် မော်တော်ယာဥ်ချေးငွေ (Vehicle Loan) နဲ့ ဝန်ထမ်းချေးငွေ (Staff Loan) တွေလိုမျိုး အခြားသော ချေးငွေ အစီအစဥ်တွေကိုလည်း ဝန်ဆောင်မှုပေးသွားမှာပါ။ ဆက်လက်ပြီး အိမ်ရာချေးငွေ (Home Loan)၊ Green Financing Loan နဲ့ လယ်ယာသုံး ပစ္စည်းကိရိယာများအတွက် အငှားဝယ်စနစ်ချေးငွေ (Hire Purchase Loan) တွေကိုလည်း မကြာခင်မှာပေးအပ်သွားနိုင်ဖို့လည်း ကြိုးစား ဆောင်ရွက်နေပါတယ်။ ဒါ့အပြင်‌ Mobile Banking, iBanking, e-Wallet, နိုင်ငံတကာ ငွေလွှဲဝန်ဆောင်မှုများ၊ နိုင်ငံတကာဘဏ်လုပ်ငန်း စတာတွေ ကိုလည်း မကြာမီကာလတွင် ဝန်ဆောင်မှုပေးနိုင်ဖို့ကိုလည်း စီစဉ်ဆောင်ရွက် လျက်ရှိပါတယ်။” ဟု Head of Wholesale and Retail Banking ဖြစ်သူ ဦးဝေဖြိုးဦးက ပြောကြားခဲ့သည်။

FDB Bank ၏ ပထမဆုံးဘဏ်ခွဲကို မန္တလေးမြို့၊ ချမ်းအေးသာဇံမြို့နယ်၊ ၈၄လမ်း၊ ၂၈လမ်းနှင့် ၂၉လမ်းကြား တွင် ၂၀၂၁ ခုနှစ်၊ ဒီဇင်ဘာလ ၂၉ ရက်နေ့က ဖွင့်လှစ်ခဲ့ပြီး ယခုအခါ ဒုတိယဘဏ်ခွဲကို ရန်ကုန်မြို့တွင် ဖွင့်လှစ် လိုက်ခြင်းဖြစ်သည်။ FDB Bank သည် လာမည့်တစ်နှစ်အတွင်း ရန်ကုန်၊ မန္တလေး၊ နေပြည်တော်၊ မိတ္ထီလာ၊  မော်လမြိုင်၊ မြဝတီ၊ မူဆယ်၊ လာရှိုး၊ ပြင်ဦးလွင်၊ မြစ်ကြီးနား၊ ဖားကန့်၊ တောင်ကြီး၊ တာချီလိတ်၊ ပဲခူး၊ ပြည်၊ မုံရွာ၊ မကွေး၊ ထားဝယ်၊ ပုသိမ် စသည့် မြို့ကြီးများတွင် ဘဏ်ခွဲများကို ဖွင့်လှစ်သွားရန် စီစဉ်ဆောင်ရွက် လျက်ရှိပြီး လာမည့် (၅)နှစ်အတွင်း ဘဏ်ခွဲပေါင်း (၁၀၀) ကျော်ကို ဖွင့်လှစ်နိုင်ရန် စီမံဆောင်ရွက်နေပါသည်။

Photo Source https://www.facebook.com/FDBbankmm/

“Digital Banking Excellence for You” ဟူသည့်ဆောင်ပုဒ်နှင့်အညီ FDB Bank သည် သုံးစွဲသူများအတွက် အကောင်းဆုံးသောဘဏ်ဝန်ဆောင်မှုများကို ပေးအပ်လျက်ရှိပါသည်။ နိုင်ငံ၏ လူမှုစီးပွားရေးဖွံ့ဖြိုးတိုးတက်ရေးတွင် ပါဝင်ပံ့ပိုးရန်ဟူသောဦးတည်ချက်ဖြင့် FDB Bank သည် အကောင်းမွန်ဆုံးနှင့် ခေတ်မီဆန်းသစ်သော နည်းပညာများ အသုံးပြုကာ ဘဏ်လုပ်ငန်းဝန်ဆောင်မှုများကို ပံ့ပိုးပေးသွားမည်ဖြစ်သည်။ ဝန်ဆောင်မှုရယူ သုံးစွဲသူများအတွက် ပွင့်လင်းမြင်သာပြီး မြန်ဆန်သော ဘဏ်လုပ်ငန်းဝန်ဆောင်မှုများကို ပံ့ပိုးပေးနိုင်ရန် FDB Bank သည် digital onboarding စနစ်၊ biometrics authentication စနစ်နှင့် အလိုအလျောက်ချေးငွေစိစစ်မှု စနစ်များကို အသုံးပြုထား သည်။

ဘဏ်ခွဲဖွင့်လှစ်သည့်အထိမ်းအမှတ်အနေဖြင့် ၂၀၂၂ ခုနှစ် နိုဝင်ဘာလ ၂၈ ရက်နေ့မှ ဒီဇင်ဘာလ ၂ ရက်နေ့ အတွင်း ရွှေဘုံသာဘဏ်ခွဲတွင် စာရင်းလာရောက်ဖွင့်လှစ်သည့် ပထမဆုံးသောဧည့်သည်အယောက် ၅၀၀ ကို အထူးလက်ဆောင် များ ပေးအပ်သွားမည်ဖြစ်သည်။ ထို့ပြင် FDB Bank က ပြုလုပ်လျက်ရှိသော အခြား ပရိုမိုးရှင်းအစီအစဉ်များတွင် ပါဝင်ကာ ဆုလက်ဆောင်များလည်း ရယူနိုင်ဦးမည်ဖြစ်သည်။

စာရင်းသေအပ်ငွေအပ်နှံမည့်သူများအတွက် အထူးအစီအစဉ်အနေဖြင့် ပိုမိုမြင့်မားသောအတိုးနှုန်း ခံစားခွင့်များ ရရှိနိုင်သည့် ငွေပြုံးပရိုမိုးရှင်းအစီအစဉ်ကို ၂၀၂၂ ခုနှစ် ဒီဇင်ဘာ ၃၁ ရက်အထိ ပြုလုပ်ပေးလျက်ရှိသည်။  ထို့ပြင် ရရှိမည့် အတိုးငွေများကို စာရင်းဖွင့်အပ်နှံသည့်နေ့တွင်ပင် တစ်ပါတည်း စာရင်းထဲ ထည့်သွင်းပေးမည် ဖြစ်သည်။ 

Photo Source https://www.facebook.com/FDBbankmm/

ထို့ပြင် FDB Bank ၏ MPU debit card ကိုင်ဆောင်သူများအတွက် ငွေသားဆုများနှင့် နောက်ဆုံးပေါ် iPhone 14 ရရှိနိုင်မည့် ငွေလာဘ်ပရိုမိုးရှင်းအစီအစဉ်ကိုလည်း ပြုလုပ်လျက်ရှိသည်။ ၃ လအတွင်း FDB Bank ၏ MPU ကတ်ဖြင့် တစ်ကြိမ်လျှင် ကျပ် ၁၀,၀၀၀/- နှင့်အထက် ငွေပေးချေမှု အကြိမ်ရေ အနည်းဆုံး ၁၅ ကြိမ် သို့မဟုတ် ကျပ် ၁၀၀,၀၀၀/- နှင့်အထက် ငွေပေးချေမှု အနည်းဆုံး ၃ ကြိမ် ပြုလုပ်ရုံဖြင့် ပါဝင်နိုင်မည်ဖြစ်သည်။

တောင်သူလယ်သမားဖွံ့ဖြိုးရေးဘဏ်လီမိတက် – မန္တလေး (FDB Bank) နှင့်ပတ်သက်သော အကြောင်းအရာ များနှင့် အထူးအစီအစဉ်များအကြောင်းကို ဘဏ်၏ Facebook နှင့် LinkedIn လူမှုကွန်ယက် စာမျက်နှာများတွင် ဝင်ရောက်လေ့လာနိုင်ပါသည်။