MPT က လူငယ်များအတွက် အကျိုးရှိစေမည့် အဆင့်မြှင့်တင်ထားသော MPT ၏ CSR E-Learning အစီအစဉ် အသွင်သစ်နှင့်အတူ မိတ်ဖက်အဖွဲ့အစည်း အသစ် (၃)ခုကို မိတ်ဆက်

MPT သည် နိုင်ငံတစ်ဝန်းရှိ ပညာရေးနှင့် ပတ်သက်ပြီး အခွင့်အရေးနည်းပါးသော လူငယ်များအတွက် ဆောင်ရွက်ထားသည့်  အခမဲ့အွန်လိုင်းပညာရေးတစ်ခုဖြစ်သည့် CSR အီလက်ထရွန်းနစ်နည်းပညာသုံး ပညာရေးပလက်ဖောင်းအစီအစဉ် (MPT ၏ CSR E-Learning အစီအစဉ်)  ကို ဆက်လက်တိုးချဲ့ဆောင်ရွက်လျက်ရှိပါသည်။ အဆိုပါ အစီအစဉ်သည် MPT ၏ နိုင်ငံတစ်ဝန်းရှိ တယ်လီကွန်းဆက်သွယ်ရေးကွန်ရက်မှတစ်ဆင့် အသက်မွေးဝမ်းကျောင်းအတတ်ပညာ၊ သတင်းအချက်အလက် နည်းပညာ၊ ဘာသာစကားများ၊ အလှအပရေးရာ၊ စီးပွားရေးနှင့် ခေါင်းဆောင်မှု စသည့် သင်တန်းအမျိုးအစား(၆) ခု ပါဝင်သည့် သင်ခန်းစာပေါင်း (၁၀၀) ကျော်ကို လေ့လာနိုင်မည့် အစီအစဉ်တစ်ခုဖြစ်ပါသည်။

MPT သည် ပိုမိုကောင်းမွန်သည့် အခွင့်အလမ်းများပေးအပ်ရန်အတွက် မိတ်ဖက်အဖွဲ့အစည်းအသစ် (၃) ခုကို မိတ်ဆက်လိုက်ပါသည်။ MPT ၏ CSR E- Learning အစီအစဉ်တွင် ထပ်မံတိုးချဲ့ပေးအပ်ထားသည့်  သင်ခန်းစာများမှာ_

• အလှအပရေးရာအတွက် Katy (KT)– KANEBO Global မှ မိတ်ကပ်ပညာရှင်တစ်ဦးဖြစ်ပြီး ကိုယ်တိုင်မိတ်ကပ်လိမ်းခြယ်နည်း၊ ကိုယ်ရည်ကိုယ်သွေး မြှင့်တင်ခြင်းနှင့် အသားအရေ ထိန်းသိမ်းမှုနည်းလမ်းများပါဝင်သည့် သင်ခန်းစာ (၁၀) ခုကို ပေးအပ်ထားပါသည်။
• ဒေါ်သန်းသန်းနိုင် (တရုတ် ဘာသာစကား ဆရာမ)- တရုတ်စာသင်ကြားမှုအတွေ့အကြုံ (၁၇) နှစ်‌ကျော် ရှိပြီး တရုတ်ဘာသာစကား အခြေခံသင်ခန်းစာ (၂၅) ခုကို ပေးအပ်ထားပါသည်။
• ပုရပိုက် မီဒီယာ လီမိတက်– ပညာရေးနည်းပညာဝန်ဆောင်မှုပေးသည့် ထိပ်တန်းကုမ္ပဏီတစ်ခုဖြစ်ပြီး “ဒေတာခွဲခြမ်းစိတ်ဖြာခြင်းဆိုင်ရာ” သင်ခန်းစာနှင့် ကြီးကြပ်ရေးကျွမ်းကျင်မှုများအတွက် အခြေခံ သင်ခန်းစာများကို ပေးအပ်ထားပါသည်။

ကိုယ်တိုင်မိတ်ကပ် လိမ်းခြယ်နည်းနဲ့ ကိုယ်ရည်ကိုယ်သွေး မြှင့်တင်ခြင်း ဆိုင်ရာ သင်တန်း	တရုတ်ဘာသာစကား သင်တန်း	ခေါင်းဆောင်မှုစီမံခန့်ခွဲမှုနှင့် စီးပွားရေး သင်တန်း

မိတ်ဖက်အဖွဲ့အစည်း အသစ် (၃) ခု ထပ်မံတိုးချဲ့ခြင်းနှင့်အတူ MPT သည် ယခုအခါတွင် ပညာရေးဝန်ဆောင်မှု ပေးသည့် မိတ်ဖက်အဖွဲ့အစည်း (၇) ခုဖြင့် ပူးပေါင်းဆောင်ရွက်ထားပြီး အွန်လိုင်းမှတစ်ဆင့် လေ့လာသင်ယူမှု အတွက် သင်ခန်းစာအမျိုးအစားများစွာကို ပိုမိုလေ့လာနိုင်စေရန် MPT ၏ CSR E-Learning ပလက်ဖောင်းကို အဆင့်မြှင့်တင်ထားပါသည်။

MPT ၏ အီလက်ထရွန်းနစ်နည်းပညာသုံး ပညာရေးပလက်ဖောင်း၏ အကျိုးကျေးဇူးများ

• ၁၀၀% အခမဲ့ဝင်ရောက်ခွင့် – အခမဲ့ သင်တန်းကြေးနှင့်  အခမဲ့ MPT မိုဘိုင်းဒေတာဖြင့် အသုံးပြုနိုင်ခြင်း။
• အဆင်ပြေလွယ်ကူစွာ သင်ယူနိုင်ခွင့် – သင်ခန်းစာများကို မိမိတို့ အဆင်ပြေသည့် နည်းလမ်းဖြင့် လေ့လာနိုင်ပါသည်။
• သင်တန်းအမျိုးအစားများရွေးချယ် တက်ရောက်နိုင်ခြင်း – မတူညီသော စိတ်ဝင်စားမှုများနှင့် အသက်မွေးဝမ်းကျောင်းရည်မှန်းချက်များနှင့် ကိုက်ညီရန် သင်တန်းအမျိုးအစား (၆) ခုရှိ သင်ခန်းစာ (၁၀၀) ကျော်ကို ပေးအပ်ထားပါသည်။

MPT-KSGM Joint Operations ၏ လုပ်ငန်းလည်ပတ်မှုဌာနကြီးမှ ဒုတိယအရာရှိချုပ်ဖြစ်သူ Mr. Naoki SHIMANE က “ပထမဦးဆုံးအနေနဲ့ MPT ရဲ့ CSR E-Learning အစီအစဉ်ကတစ်ဆင့် လူငယ်တွေအတွက် အခမဲ့ သင်ခန်းစာတွေ ပေးအပ်မှုမှာ ပူးပေါင်းပါဝင်ပေးကြတဲ့  ကျွန်တော်တို့ရဲ့ မိတ်ဖက်အဖွဲ့အစည်းတွေအားလုံးကို ကျေးဇူးအထူးတင် ရှိကြောင်းပြောကြားချင်ပါတယ်။ ကျွန်တော်တို့အနေနဲ့ အခုထပ်မံ ပူးပေါင်းလိုက်တဲ့ မိတ်ဖက်အဖွဲ့အစည်းအသစ် (၃) ခုနဲ့အတူ  အဆင့်မြှင့်တင်ထားတဲ့ ဒီပညာရေးပလက်ဖောင်းက လူငယ်တွေအတွက် လေ့လာသင်ယူမှုကို ပိုမိုအကျိုးကျေးဇူးရရှိစေမှာပဲ ဖြစ်ပါတယ်။ ဒီအစီအစဉ်မှာ လက်ရှိ လေ့လာနေတဲ့ ကျောင်းသားတွေအပါအဝင် နိုင်ငံတစ်ဝန်းမှာရှိတဲ့ လေ့လာလိုသူ လူငယ်တွေအနေနဲ့ မိမိတို့အတွက် ယုံကြည်စိတ်ချရတဲ့ အသက်မွေးဝမ်းကျောင်းဆိုင်ရာ ဖွံ့ဖြိုးတိုးတက်ဖို့အတွက် အခွင့်အလမ်းကောင်းတစ်ခု ဖြစ်တယ်လို့ ပြောကြားလိုပါတယ်” ဟု ပြောကြားခဲ့ပါသည်။

MPT ၏ CSR E-Learning အစီအစဉ်ကို လေ့လာရန်

MPT မိုဘိုင်းဒေတာအားအသုံးပြုပြီး ဒေတာအခမဲ့ဖြင့် https://csrelearning.mpt.com.mm တွင် သင်ခန်းစာများကို လေ့လာသင်ယူနိုင်ပါသည်။ MPT သည် အခမဲ့ ဒီဂျစ်တယ်ပညာရေးကို တိုးချဲ့ကာ တစ်သက်တာသင်ယူမှုအတွက် လိုအပ်သည့်အရာများ ပံ့ပိုးပေးခြင်းဖြင့် အနာဂတ်မျိုးဆက်သစ်များကို ပံ့ပိုးပေးလျက်ရှိပါသည်။

CSR E-Learning အစီအစဉ်တွင် စာရင်းသွင်း လျှောက်ထားခြင်း

၁) CSR E-Learning Program အစီအစဉ် https://csrelearning.mpt.com.mm ကို နှိပ်ပါ။ (သို့မဟုတ်) CSR E-Learning Program အစီအစဉ် ကို ဝင်ရောက်ရန် QR ကုတ်ကို ဖတ်ပါ။

၂) စာရင်းသွင်းရန်အတွက် စာမျက်နှာကိုသွားပါ။ (https://docs.google.com/forms/d/e/1FAIpQLSex8zUfjeWl4O3OGbn2ooKHxWao5lmGUotTc82hDV4FmfKe0Q/viewform )

၃) Google ဖောင်လျှောက်လွှာတွင် အချက်အလက်များဖြည့်ပါ။

၄) လျှောက်လွှာဖြည့်ပြီးနောက် တင်သွင်းပါ။

MPT သည် လျှောက်ထားသူများ၏ အချက်အလက်မှတစ်ဆင့် လိုအပ်ချက်နှင့် ကိုက်ညီပြီး စိတ်အားထက်သန်စွာ သင်ယူလိုသူများကို ရွေးချယ်သွားမည်ဖြစ်ပါသည်။

စာရင်းသွင်း လျှောက်ထားခြင်းနှင့် ပေးအပ်ထားသည့် သင်ခန်းစာများအပါအဝင် MPT CSR E-Learning အစီအစဉ် အကြောင်း သိရှိလိုပါက ဖော်ပြထားလင့်ခ် https://csrelearning.mpt.com.mm/userguide/faq.pdf တွင် ဝင်ရောက်ကြည့်ရှုနိုင်သည့်အပြင် corporatecomm@mptmmf.com သို့လည်း အီးမေးလ်ပေးပို့နိုင်ပါသည်။ ထို့အပြင် ဖုန်းနံပါတ် 098630050 သို့လည်း ရုံးချိန်အတွင်း ဆက်သွယ်မေးမြန်းနိုင်ပါသည်။

MPT ၏ အီလက်ထရွန်းနစ်နည်းပညာသုံး ပညာရေးပလက်ဖောင်း (MPT ၏ CSR E-Learning အစီအစဉ်)

MPT ၏  CSR E-Learning အစီအစဉ်သည် နိုင်ငံအနှံ့ရှိ အခွင့်အရေးနည်းပါးလှသူ လူငယ်များအတွက် ကျွမ်းကျင်မှုပညာရပ်များ၊ အသက်မွေးဝမ်းကျောင်းအတတ်ပညာများနှင့် သတင်းနည်းပညာရပ်ဆိုင်ရာ ပညာရပ်များကို လက်လှမ်းမီ လေ့လာသင်ယူနိုင်စေရန် MPT ၏ နိုင်ငံတစ်ဝန်းလုံးသို့ လွှမ်းခြုံထားသည့် တယ်လီကွန်းဆက်သွယ်ရေးကွန်ရက်မှ တစ်ဆင့်ဆောင်ရွက်ပေးထားသည့် အစီအစဉ်တစ်ခု ဖြစ်ပါသည်။ ကိုဗစ် (၁၉) ရောဂါ ဖြစ်ပွားလာမှုကြောင့် နေထိုင်မှုပုံစံအခြေအနေအသစ်ဖြင့် ပညာရပ်များကို အွန်လိုင်းမှတစ်ဆင့် လေ့လာသင်ယူနိုင်သည့် နည်းလမ်းဖြင့် ချဉ်းကပ်ဆောင်ရွက်လာနိုင်ခဲ့ကာ နောင်တစ်ခေတ်၏ ခေါင်းဆောင်များဖြစ်သော မြန်မာနိုင်ငံကို ရှေ့သို့လှမ်းချီစေနိုင်မည့် အနာဂတ်မျိုးဆက်သစ် လူငယ်များအတွက် အကန့်အသတ်မဲ့ အသိပညာရပ်များနှင့် ကျွမ်းကျင်မှုများကို ရယူနိုင်ရေးတွင် အတားအဆီးများကို ဖယ်ရှားပေးနိုင်စေမည်ဖြစ်သည်။ အခုအစီအစဉ်နှင့် အွန်လိုင်းပလက်ဖောင်းမှာ လူငယ်များအတွက် မီးပြတိုက်သဖွယ်ဖြစ်စေမည်ဖြစ်ပြီး အသက်မွေးဝမ်းကျောင်းကဏ္ဍအတွက် ပညာရပ်များနှင့် လူမှုဘဝရပ်တည် နိုင်ရေးအတွက် အထောက်အပံ့ ဖြစ်စေမည့် အစိတ်အပိုင်းတစ်ခု ဖြစ်လာစေမည်ဟု MPT က ယုံကြည်ထားပါသည်။ နောင်တွင်လည်း MPT က နောက်ထပ် မိတ်ဖက်အဖွဲ့အစည်းများကို သက်ဆိုင်ရာအခန်းကဏ္ဍအလိုက်တိုးချဲ့ ပူးပေါင်းဆောင်ရွက်သွားမည် ဖြစ်ပြီး လူငယ်များအတွက် ပညာရေးနှင့် အသက်မွေးဝမ်းကျောင်းကဏ္ဍများတွင် အကန့်အသတ်မဲ့သော အခွင့်အလမ်းများကို ဖော်ဆောင်ကာ မြန်မာနိုင်ငံတစ်ဝန်းလုံးရှိ လူငယ်များသို့ အကျိုးရလဒ်ကောင်းများ ပေးစွမ်းသွားမည်ဖြစ်သည်။