MPT က ဒီဂျစ်တယ်ပိုင်းဆိုင်ရာ နည်းလမ်းသစ်များနှင့်အတူ အနာဂတ်၏ ခေါင်းဆောင်လူငယ်များကို စွမ်းဆောင်ရည်မြှင့်တင်ပေးခြင်းဖြင့် အပြည်ပြည်ဆိုင်ရာ လူငယ်များနေ့ကို ဂုဏ်ပြု

ဦးဆောင်ဆက်သွယ်ရေးအော်ပရေတာဖြစ်သော MPT အနေဖြင့် ဆန်းသစ်သော ဒီဂျစ်တယ် နည်းလမ်းများနှင့် ရေရှည်တည်တံ့သော အလေ့အကျင့်များမှ တစ်ဆင့် လူငယ်များ၏ ဖွံ့ဖြိုးတိုးတက်မှုကို ပံ့ပိုးပေးရာတွင် အရေးကြီးသော အခန်းကဏ္ဍမှ ပါဝင်ဆောင်ရွက်ခွင့်ရသည့်အတွက် ဂုဏ်ယူဝမ်းမြောက်မိပါသည်။ MPT သည် အနာဂတ်မျိုးဆက်သစ်လူငယ်များအတွက် လိုအပ်သော နည်းလမ်းများ၊ အခွင့်အလမ်းများ ဖန်တီးပေးခြင်းဖြင့် အောင်မြင်ပြီး ရေရှည်တည်တံ့သော အနာဂတ်ကို တည်ဆောက်နိုင်မည်ဟု ယုံကြည်ပါသည်။

MPT က ၂၀၂၄ ခုနှစ် လုပ်ငန်းခွင် လေ့လာရေးနှင့် သင်ကြားရေး အစီအစဉ်၏ တစ်စိတ်တစ်ပိုင်းအဖြစ် မကြာသေးခင်ကာလကလည်း နည်းပညာတက္ကသိုလ် (၂၁) ခုမှ နောက်ဆုံးနှစ် ကျောင်းသား ၂၀၀ နီးပါးကို လုပ်ငန်းခွင် အတွေ့အကြုံများ ပေးအပ်ခဲ့ပြီး ၎င်းတို့၏ အနာဂတ် သက်မွေးဝမ်းကြောင်းပညာရပ်များကို လမ်းညွှန်ပေးနိုင်မည့် လုပ်ငန်းခွင်အတွင်း လက်တွေ့အသုံးချမှုများနှင့် MPT ၏ တကယ့်လုပ်ငန်းခွင်အတွေ့အကြုံ များကို မျှဝေပေးခြင်းဖြင့် အခွင့်အလမ်းများကို ပေးအပ်ခဲ့ပြီး ဖြစ်ပါသည်။

MPT သည် ၂၀၂၄ ခုနှစ် ဘဏ္ဍာရေးနှစ်တွင် မြန်မာနိုင်ငံတစ်ဝန်းရှိ လူငယ်များအတွက် သင်ကြားရေး အခွင့်အလမ်းများကို‌ ပေးအပ်ရန် ရည်ရွယ်ချက်ဖြင့် CSR E-Learning အစီအစဉ်မှ တစ်ဆင့် ပညာရေးကဏ္ဍကို အဆင့်မြှင့်တင် ဆောင်ရွက်လျက်ရှိပြီး မိတ်ဖက်အဖွဲ့အစည်းများဖြစ်သည့် KMD၊ Center for Vocational Training Ltd Gty ၊ စိုးစံ ဂျပန်ဘာသာစကားသင်တန်းကျောင်း နှင့် သန်းတိုးအောင် မိုဘိုင်းဖုန်းဆော့ဖ်ဝဲပြုပြင်ရေးတို့နှင့် ပူးပေါင်းကာ အိုင်တီနည်းပညာသင်တန်း ၊ အသက်မွေးဝမ်းကျောင်း ပညာရပ်သင်တန်း၊ ဂျပန်ဘာသာစကား သင်တန်း နှင့် မိုဘိုင်းဖုန်းဆော့ဖ်ဝဲပြုပြင်ရေး နည်းပညာသင်တန်း များကို ပေးအပ်လျက်ရှိပါသည်။

Image: MPT

လေ့လာသင်ယူလိုသူများအနေဖြင့် ဘာသာရပ်များအကြောင်းကို CSR E-Learning Program home page တွင် ဝင်ရောက်လေ့လာနိုင်ပြီး https://rb.gy/2a87on မှတစ်ဆင့် အခမဲ့လျှောက်လွှာဖြည့်သွင်းကာ စာရင်းသွင်း လျှောက်ထားနိုင်ပါသည်။

MPT သည် ရွှေအိပ်မက်အစီအစဉ်၊ MasterChef All Stars Myanmar အစီအစဉ် နှင့် The Voice Myanmar ကဲ့သို့သော အစီအစဉ်များမှတစ်ဆင့် လူငယ်များကို ပံ့ပိုးပေးလျက်ရှိပြီး အဆိုပါအစီအစဉ်များသည် လူငယ်များ၏ အိပ်မက်များကို အကောင်အထည်ဖော်ဆောင်ရန် အထောက်အပံ့ပြု ဆောင်ရွက်ပေးခဲ့ပါသည်။  အဆိုပါ ကြိုးပမ်း ဆောင်ရွက်မှုများသည် မြန်မာလူငယ်များကို ၎င်းတို့၏ ဖွံ့ဖြိုးတိုးတက်မှုအတွက် အခွင့်အလမ်းများစွာ နှင့်အတူ  စွမ်းဆောင်ရည်များကို မြှင့်တင်ပေးရန် ထားရှိသည့် MPT ၏ ကတိကဝတ်ကို ထင်ဟပ်စေပါသည်။

MPT အနေဖြင့် လူမှုအကျိုးပြုလုပ်ငန်းအစီအစဉ်များအောက်တွင် MPT ၏ အီလက်ထရွန်းနစ်နည်းပညာသုံး ပညာရေးအစီအစဉ်၊ နိုင်ငံတစ်ဝန်းလုပ်ငန်းခွင်လေ့လာရေးနှင့် သင်ကြားရေးအစီအစဉ်၊ မြန်မာလူငယ်နည်း ပညာ စွန့်ဦးတီထွင် ဖွံ့ဖြိုးရေးအစီအစဉ် နှင့် သူနာပြုတက္ကသိုလ်၊ရန်ကုန်၏ သူနာပြုတက္ကသိုလ်ကျောင်းပြင်ပ အဝေးသင် အစီအစဉ်တွင် အထောက်အပံ့ပြုခြင်းစသည့် အစီအစဉ်များမှတစ်ဆင့် နိုင်ငံတစ်ဝန်းရှိ  ကျောင်းသားပေါင်း (၂) သိန်းကျော်ကို အထောက်အပံ့ပြု ဆောင်ရွက်ပေးအပ်နိုင်ခဲ့ပြီး ဖြစ်ပါသည်။ အဆိုပါ ဆောင်ရွက်မှု များမှတစ်ဆင့် မြန်မာနိုင်ငံတစ်ဝန်းရှိ လူငယ်များအား နိုင်ငံတကာနှင့် ရင်ဘောင်တန်းနိုင်စေရန်အတွက် လိုအပ်သော စွမ်းရည်၊ အသိပညာဗဟုသုတ နှင့် အခွင့်အလမ်းများ ပေးအပ်နိုင်ခြင်းဖြင့် MPT ၏ ကတိကဝတ်များကို ထင်ဟပ်စေပါသည်။

MPT-KSGM Joint Operations ၏ လုပ်ငန်းလည်ပတ်မှုဌာနကြီးမှ ဒုတိယအရာရှိချုပ်ဖြစ်သူ Mr. Naoki SHIMANE က “ လူငယ်တွေဟာ နိုင်ငံရဲ့ဖွံ့ဖြိုးတိုးတက်မှုအတွက် အဓိက အရေးကြီးတဲ့ အခန်းကဏ္ဍမှာ ပါဝင်နေ တယ်ဆိုတာ ကျွန်တော်တို့ သိရှိနားလည်ထားပါတယ်။ ဒါကြောင့်မို့  ကျွန်တော်တို့အနေနဲ့ ဒီဂျစ်တယ် ပလက်ဖောင်း တွေက တစ်ဆင့် မရှိမဖြစ်လိုအပ်တဲ့ ကျွမ်းကျင်မှုတွေနဲ့ အသိပညာဗဟုသုတတွေကို လူငယ်တွေဆီမှာရရှိစေနိုင်ဖို့ ရည်ရွယ် ဆောင်ရွက်နေပါတယ်။ ကျွန်တော်တို့ရဲ့ ရည်ရွယ်ချက်ကတော့ လူငယ်တွေရဲ့ အိပ်မက်တွေ အကောင်အထည်ဖော် ဆောင်ရွက်နိုင်ဖို့အတွက် နည်းလမ်းပေါင်းစုံနဲ့ အထောက်အပံ့ပြု ပေးသွားမှာဖြစ်ပြီး အနာဂတ်မှာလည်း လူငယ်ဖွံ့ဖြိုးတိုးတက်ရေးအတွက် ဆက်လက်လုပ်ဆောင် သွားမှာပဲဖြစ်ပါတယ်။ ကျွန်တော်တို့ပေးအပ်နေတဲ့ အစီအစဉ်တွေကတစ်ဆင့် လူငယ်တွေရဲ့ အနာဂတ်မှာ စဉ်ဆက်မပြတ် တိုးတက်မှုကို ဆောင်ကျဉ်းနိုင်ပြီး  သူတို့ရဲ့ အောင်မြင်မှုအတွက် လိုအပ်တဲ့ အခွင့်အလမ်းတွေကို ပေးအပ်နိုင်မယ်လို့လည်း မျှော်လင့်ပါတယ်”ဟု ပြောကြားခဲ့ ပါသည်။