MPT ၏ အကန့်အသတ်မဲ့သုံး မြန်နှုန်းမြင့် ဒုံးပျံအိမ်သုံးဖိုင်ဘာအင်တာနက်ဝန်ဆောင်မှုကို မြို့နယ်ပေါင်း ၁၅၄ မြို့နယ်တွင် အသုံးပြုနိုင်ပြီ

ယခုအခါ မြန်မာနိုင်ငံတစ်ဝန်းရှိ ဇလွန်၊ ဝမ်းတွင်း၊ ဒလ၊ မိုင်းတုံနှင့် ပင်းတယ မြို့နယ်များမှ ပြည်သူများအနေဖြင့်  မြန်နှုန်းမြင့် ဒုံးပျံအိမ်သုံးဖိုင်ဘာအင်တာနက်၏ အကျိုးကျေးဇူးများကို သက်သာသောနှုန်းထားဖြင့် အသုံးပြုနိုင်ပြီ ဖြစ်ပါသည်။ ယခုအချိန်တွင် သုံးစွဲသူများအနေဖြင့် MPT ၏  မြန်နှုန်းမြင့် ဒုံးပျံအိမ်သုံးဖိုင်ဘာအင်တာနက်ကို မြန်မာနိုင်ငံတစ်ဝန်းရှိ မြို့နယ် ၁၅၄ မြို့နယ်တွင် အသုံးပြုနိုင်ပြီဖြစ်ပါသည်။ MPT သည် ဝန်ဆောင်မှုများကို မြှင့်တင်ရန် စဉ်ဆက်မပြတ် ကြိုးပမ်းအားထုတ် ဆောင်ရွက်မှုဖြင့် သုံးစွဲသူများသည် အချိန်မရွေး၊ နေရာမရွေး ပိုမိုထိရောက်ပြီး ယုံကြည်စိတ်ချရသော အင်တာနက်ချိတ်ဆက်မှုကို တွေ့ကြုံခံစားနိုင်‌စေမည် ဖြစ်ပါသည်။

Image: MPT

အဆိုပါတိုးချဲ့ဆောင်ရွက်မှုများသည် လေးစားရသော သုံးစွဲသူများကို ယုံကြည်စိတ်ချရပြီး မြန်နှုန်းမြင့် အင်တာနက်ချိတ်ဆက်မှုများ ပေးအပ်ခြင်းဖြင့် MPT ၏ ကတိကဝတ်ကို ပြသလျက်ရှိပါသည်။ ထို့အပြင် MPT ၏ အကန့်အသတ်မဲ့သုံး မြန်နှုန်းမြင့် ဒုံးပျံအိမ်သုံးဖိုင်ဘာအင်တာနက်ဘေလ်ကို ၃ လ၊ ၆ လ (သို့မဟုတ်) ၁၂ လ ကြိုတင်ပေးချေခြင်းဖြင့် သုံးစွဲသူများသည် ၂ သိန်းအထိ လျှော့စျေးများကို ရရှိခံစားနိုင်မည် ဖြစ်ပါသည်။

သုံးစွဲသူများအနေဖြင့် အကန့်အသတ်မဲ့သုံး မြန်နှုန်းမြင့် ဒုံးပျံအိမ်သုံးဖိုင်ဘာအင်တာနက်ကို အသုံးပြုလိုပါက MPT ၏ အရောင်းကိုယ်စားလှယ်များမှ တစ်ဆင့်သော်လည်းကောင်း၊ နီးစပ်ရာ MPT ရုံးများ၊ MPT ၏ Franchise ဆိုင်များ၊ Own shop များနှင့် https://mpt.com.mm/mm/dome-pyan-mm/ တို့တွင်လည်း လျှောက်ထားရယူနိုင်ပါသည်။

Image: MPT

ထို့အပြင် MPT သည် သုံးစွဲသူများအတွက် လွယ်ကူရိုးရှင်းသော အွန်လိုင်းငွေပေးချေမှုကိုလည်း ဆောင်ရွက်ပေးထားပါသည်။  သုံးစွဲသူများအားလုံး အနေဖြင့် ဝန်ဆောင်မှုအားလုံးအတွက် ကြိုတင်ငွေပေးချေရန် လိုအပ်ပြီး MPT အမှတ်တံဆိပ်အရောင်းဆိုင်၊ MPT GSM ငွေဖြည့်ကတ်မှတစ်ဆင့် ပေးချေခြင်း၊ e-banking (KBZ၊ CB၊ AYA) နှင့် အခြားသော MPT ၏မိတ်ဖက်ဆိုင်များနှင့် CITY MART၊ JUNCTION၊ OCEAN၊ SUPERONE၊ MYANMA APEX BANK ၊ UNITED LIVING MALL စသည့် ဈေးဝယ်စင်တာများမှတစ်ဆင့်လည်း လွယ်ကူစွာ ငွေပေးချေ နိုင်သည့်အပြင် မြန်မာ့စီးပွားရေးဘဏ်နှင့် ချိတ်ဆက်ထားသည့် အခြားဆိုင်များမှတစ်ဆင့်လည်း ပေးချေနိုင်ပါသည်။ ထို့အပြင် သုံးစွဲသူများသည် E-invoice ငွေတောင်းခံလွှာဝန်ဆောင်မှုအတွက် https://einvoice.mpt.com.mm/register/ တွင် စာရင်းပေးသွင်းရယူနိုင်ပြီး သုံးစွဲသူများ၏ ဖုန်းနံပါတ်နှင့် အီးမေးလ်ကို E-invoice Form တွင် ထည့်သွင်းရန်လိုအပ်ပါသည်။