Image Source: https://visualhunt.com/photo/195991/
ခုခေတ်က နည်းပညာခေတ်ဆိုတော့ တစ်ချို့ကိစ္စတွေမှာ စာအုပ်တွေနဲ့ သိပ်ပြီးမဆိုင်တော့သလို ဖြစ်လာပါပြီ။ စာရွက်ပေါ်မှာ ချရေးတဲ့ အကြောင်းအရာတွေကို ဖုန်းထဲထည့်လိုက်ရင် အသုံးပြုရတာ ပိုပြီးလွယ်ကူသွားလို့ပါပဲ။
နည်းပညာဆိုင်ရာ application များ
ဖုန်းအပလီကေးရှင်းတွေ Download ဆွဲဖို့ Ooredoo ရဲ့ App Zone
Image Source: https://zone.ooredoo.com.mm/mm/appzone.aspx
Ooredoo ဆင်းကဒ် အသုံးပြုသူတွေအတွက် ရည်ရွယ်ပြီး လိုအပ်တဲ့ ဖုန်းအပလီကေးရှင်းတွေ အခမဲ့ Download ရယူနိုင်မယ့် App Zone ဆိုတဲ့ ဖုန်းအပလီကေးရှင်းလေးကို Ooredoo Myanmar က စီစဉ်ထုတ်လုပ် လိုက်ပါတယ်။ ဒီအပလီကေးရှင်းက Andriod ဖုန်းတွေအတွက်ပါ။ ဒီ App Zone ဆိုတဲ့ အပလီကေးရှင်းထဲမှာ ဖုန်းအပလီကေးရှင်း စုစုပေါင်း တစ်သိန်းကျော် ပါ၀င်တယ်လို့ သိရပါတယ်။
အရေးပေါ်အခြေအနေနဲ့ မိမိပတ်၀န်းကျင်အကြောင်း Report လုပ်နိုင်တဲ့ Safe Cities Mobile App
Actionaid Myanmar ကနေ စီစဉ်ဖန်တီးလိုက်တဲ့ Safe Cities Mobile App ရဲ့ လူထုပတ်၀န်းကျင်ကို ထိန်းသိမ်းပြင်ဆင်ရေးတွေမှာ အသုံး၀င်ပုံတွေကို တင်ပြပေးလိုပါတယ်။ ဒီအပလီကေးရှင်းကို ယခုလဆန်းပိုင်းကမှ Actionaid Myanmar ကနေပြီး မိတ်ဆက်ပေးခဲ့တာပါ။ အဲဒီမိတ်ဆက်ပွဲမှာ တာ၀န်ရှိသူတွေ ပြောကြားခဲ့တဲ့ ဒီအပလီကေးရှင်းရဲ့ အဓိကရည်ရွယ်ချက်ဆိုတဲ့ အမျိုးသမီးတွေရဲ့ ပတ်၀န်းကျင်လုံခြုံရေးကို စောက်ရှောက်ပေးရေးကို ဦးစားပေးထားတယ်လို့ သိခဲ့ရပါတယ်။
(၂၄)နာရီပတ်လုံး ဆရာ၀န်နဲ့တိုက်ရိုက် ကျန်းမာရေးဆိုင်ရာ ဆွေးနွေးနိုင်တဲ့ Doctor On Call App
နည်းပညာတွေတိုးတက်နေတဲ့ ယနေ့ခေတ်ကြီးမှာ ကမ္ဘာကြီးက ကျဉ်းကျဉ်းလေး ဆိုသလိုပဲ တစ်ချို့သေားအရာတွေကလည်း လုပ်ရကိုင်ရတာ အရမ်းလွယ်ကူ လို့လာနေပါပြီ။ အခုရန်ကုန်မြို့မှာ ခေတ်စားနေတဲ့ Taxi ငှားဖို့ လမ်းထွက်စရာမလိုဘဲ အိမ်ကနေဖုန်းဆက်လိုက်ရုံနဲ့ သင့်တင့်လိုအပ်တဲ့ အာမခံချက်တွေနဲ့ ၀န်ဆောင်မှုပေးနေကြတဲ့ Taxi Service တွေလိုပဲ ကျန်းမာရေးအတွက် နေရာ၊ အချိန် ကိုထည့်တွက်စရာ လုံး၀မလိုဘဲ ဆရာ၀န်တွေကိုယ်တိုင် တိုက်ရိုက်၀န်ဆောင်မှုပေးနေတဲ့ Doctor On Call ဆိုတဲ့ မိုဘိုင်းလ်အပလီကေးရှင်းလေးကို မိတ်ဆက်ပေးချင်ပါတယ်။
လိုင်းကားပြဿနာတွေ တိုင်ကြားနိုင်တဲ့ Yangon Bus Report app
Image Source: https://play.google.com/store/apps
Yangon Bus Report ဆိုတဲ့ ဒီအပလီကေးရှင်းလေးဟာ ရန်ကုန်မြို့သူ/သားတွေ နေ့စဉ်ကြုံတွေနေရတဲ့ YBS လိုင်းကားပေါ်က ပြဿနာတွေကို YRTA ကတစ်ဆင့် သက်ဆိုင်ရာ Bus Operator တွေဆီသို့ အထောက်အထားတွေနဲ့တကွ တိုင်ကြားနိုင်တဲ့ မိုဘိုင်းလ်အပလီကေးရှင်းလေးပဲ ဖြစ်ပါတယ်။ ဒီလို YBS နဲ့သက်ဆိုင်တဲ့ ပြဿနာတွေကို အွန်လိုင်းကတစ်ဆင့် တိုင်ကြားနိုင်တဲ့ တစ်ခုတည်းသော အပလီကေးရှင်းပဲ ဖြစ်ပါတယ်။