Telegram ကို မြန်မာလို သုံးနည်း (၂၀၂၆) – Telegram ဆိုတာဘာလဲ၊ ဒေါင်းလုဒ်နဲ့ အသုံးပြုနည်း

အပ်ဒိတ် (၂၀၂၆ အောက်တိုဘာ ၂၅) – ဒီဆောင်းပါးကို ၂၀၂၁ မတ်လမှာ ရေးခဲ့တာပါ။ “Telegram မြန်မာ” လို့ ရှာနေသူ အများစုက Telegram ကို မြန်မာဘာသာနဲ့ သုံးလို့ရလား၊ ဘယ်က ဒေါင်းရမလဲ ဆိုတာကို သိချင်ကြတာမို့ အဖြေကို အရင်ဆုံး ဖော်ပြလိုက်ပါတယ်။ ၂၀၂၁ ခုနှစ်က မူရင်းဆောင်းပါးကိုတော့ အောက်မှာ မှတ်တမ်းအဖြစ် ချန်ထားပါတယ်။

အတိုချုပ် အဖြေ

  • သီးသန့် “မြန်မာ Telegram” App ဆိုတာ မလိုပါဘူး။ Telegram ရဲ့ တရားဝင် App ကိုပဲ ဒေါင်းပြီး မျက်နှာပြင် ဘာသာစကားကို မြန်မာလို ပြောင်းလို့ရပါတယ်။
  • မြန်မာဘာသာ ပြောင်းနည်း – Telegram ထည့်ပြီး login ဝင်ထားတဲ့ ဖုန်းကနေ https://t.me/setlanguage/my-beta ကို ဖွင့်ပါ။ Telegram က ဘာသာစကား ပြောင်းမလား မေးလာရင် အတည်ပြုလိုက်ရုံပါပဲ။ ဒီ link ကို Telegram ရဲ့ တရားဝင် ဘာသာပြန် ပလက်ဖောင်း (translations.telegram.org) မှာ ဖော်ပြထားပါတယ်။
  • သတိပြုရန် – Telegram ရဲ့ မြန်မာဘာသာကို “beta” (စမ်းသပ်ဗားရှင်း) အဖြစ်သာ ဖော်ပြထားပါတယ်။ အသုံးပြုသူတွေ ဝိုင်းဝန်းဘာသာပြန်ထားတာ ဖြစ်လို့ စာသားအချို့ English အတိုင်း ကျန်နေတာ၊ ဘာသာပြန် မပြည့်စုံတာ ရှိနိုင်ပါတယ်။ English ကို ပြန်ပြောင်းချင်ရင် Settings → Language ကနေ ပြန်ရွေးနိုင်ပါတယ်။
  • ဒေါင်းလုဒ် – တရားဝင် App ကို Google Play၊ App Store သို့မဟုတ် telegram.org ကနေသာ ရယူပါ။ Developer အမည်က Telegram FZ-LLC ဖြစ်ရပါမယ်။ “မြန်မာ Telegram” စတဲ့ အမည်နဲ့ ပြန်ထုတ်ထားတဲ့ App တွေ၊ APK ဖိုင်တွေကို ရှောင်ပါ။ Telegram အကောင့်က ဖုန်းနံပါတ်နဲ့ ချိတ်ထားတာမို့ အတုအယောင် App ထဲ login ဝင်မိရင် အကောင့် ဆုံးရှုံးနိုင်ပါတယ်။

၂၀၂၆ အောက်တိုဘာ အခြေအနေ

Google Play App Store
Developer Telegram FZ-LLC Telegram FZ-LLC
အဆင့် / review ★4.6 (17.3M reviews) ★4.0 (284K ratings)
ဒေါင်းလုဒ် 1B+ –
နောက်ဆုံး update ၂၀၂၆ အောက်တိုဘာ ၂၃ –
စျေးနှုန်း အခမဲ့ (App ထဲတွင် ပိုက်ဆံပေးဝယ်ရသည့် အပိုင်းများ ပါဝင်သည်)

အချက်အလက်များကို ၂၀၂၆ အောက်တိုဘာ ၂၅ တွင် Google Play (မြန်မာနိုင်ငံ store)၊ App Store နှင့် translations.telegram.org စာမျက်နှာများမှ တိုက်ရိုက်စစ်ထားပါသည်။ အဆင့်နှင့် ဒေါင်းလုဒ်အရေအတွက်များ အချိန်နှင့်အမျှ ပြောင်းလဲနိုင်ပါသည်။

၂၀၂၁ နောက်ပိုင်း ပြောင်းလဲသွားတာများ

အောက်က မူရင်းဆောင်းပါးမှာ “ကြော်ငြာ မပါဘူး၊ အခမဲ့ သုံးလို့ရတယ်” လို့ ရေးခဲ့ပါတယ်။ ဒီအချက်က ယခု အပြည့်အဝ မမှန်တော့ပါဘူး။

  • ကြော်ငြာ – Telegram ဟာ Telegram Ads ဆိုတဲ့ ကြော်ငြာစနစ်ကို လုပ်ထားပြီး public channel (အများပြည်သူ ဖတ်တဲ့ channel) တွေမှာ ကြော်ငြာ ပြပါတယ်။ Telegram ရဲ့ ရှင်းပြချက်အရ ကိုယ်ပိုင် chat တွေနဲ့ contact list ကို ကြော်ငြာ ပစ်မှတ်ထားဖို့ မသုံးဘူးလို့ ဆိုပါတယ်။
  • Telegram Premium – Telegram Premium ဆိုတဲ့ လစဉ်ကြေး ဝန်ဆောင်မှုကို ရွေးချယ်ပိုင်ခွင့်အဖြစ် ထည့်ထားပါတယ်။ ကြော်ငြာ မပြခြင်း၊ ဖိုင် 4GB အထိ တင်နိုင်ခြင်း၊ အသံမက်ဆေ့ချ်ကို စာသားပြောင်းခြင်း၊ chat နဲ့ channel တွေကို ချက်ချင်း ဘာသာပြန်ခြင်း စတာတွေ ပါဝင်ပါတယ်။ Premium မဝယ်ဘဲ ပုံမှန် အသုံးပြုမှုကို အခမဲ့ ဆက်သုံးနိုင်ပါတယ်။
  • ဖိုင်ပို့နိုင်မှု – Google Play ဖော်ပြချက်အရ အခမဲ့ အသုံးပြုသူတွေလည်း ဖိုင်တစ်ခုကို 2GB အထိ ပို့နိုင်ပြီး group တစ်ခုမှာ အဖွဲ့ဝင် 200,000 အထိ ထည့်နိုင်ပါတယ်။

ကျွန်ုပ်တို့ မစစ်ဆေးနိုင်ခဲ့တာများ – Premium ရဲ့ မြန်မာနိုင်ငံ စျေးနှုန်းနဲ့ မြန်မာမှာ ပေးချေနိုင်တဲ့ နည်းလမ်း၊ မြန်မာဘာသာ ဘာသာပြန် ဘယ်လောက် ပြည့်စုံပြီလဲ ဆိုတာနဲ့ Settings ရဲ့ Language စာရင်းထဲမှာ မြန်မာဘာသာ ပုံမှန်အတိုင်း ပေါ်/မပေါ် ကိုတော့ မစစ်ဆေးနိုင်ခဲ့ပါ။ မြန်မာဘာသာပြန်မှာ အမှားတွေ့ရင် Telegram ရဲ့ ဘာသာပြန် ဆွေးနွေးရေး channel (t.me/translation_my) မှာ ပြင်ဆင်ရန် အကြံပြုနိုင်ပါတယ်။

၂၀၂၁ ခုနှစ် မူရင်းဆောင်းပါး

အောက်ပါ အကြောင်းအရာသည် ၂၀၂၁ မတ်လက ရေးသားခဲ့သည့် မူရင်းဖြစ်ပါသည်။ App ၏ မျက်နှာပြင်နှင့် အဆင့်များ ယခုနှင့် ကွာခြားနိုင်ပါသည်။

WhatsApp တွေ Messenger တွေလိုမျိုးပဲ Telegram ဆိုတာကလဲအသုံးများတဲ့ Social Media App တစ်ခု ဖြစ်ပါတယ်။ Cloud-based စနစ်ဖြစ်ပြီးတော့ အသုံးပြုတဲ့ စမတ်ဖုန်း၊ တက်ဘလပ်နဲ့ ကွန်ပြူတာတွေကတောင် ဝင်ကြည့်နိုင်ပါသေးတယ်။ Telegram ကရိုးရိုးစာပို့တဲ့ စနစ်တစ်ခုထက်ပိုပါသေးတယ်။ အသုံးပြုသူတွေအတွက် လျှို့ဝှက်စွာစကားပြောနိုင်ပြီးတော့ လုံခြုံမှုရှိအောင်လည်း ပြုလုပ်ပေးထားပါတယ်။ ဓာတ်ပုံတွေ၊ ဗီဒီယိုတွေနဲ့ စာရွက်စာတမ်းတွေကိုလည်း မိတ်ဆွေတွေကိုမျှဝေနိုင်သလို ကိုယ်ရှိနေတဲ့တည်နေရာကိုလည်း ပေးပို့နိုင်ဦးမှာ ဖြစ်ပါတယ်။ နောက်ထပ်တစ်ချက်ကတော့ ကြော်ငြာတွေလည်းမပါဝင်သလို အခမဲ့အသုံးပြုလို့ရမှာ ဖြစ်ပါတယ်။ Telegram App

Photo source https://telegram.org/

Telegram ကိုစပြီးအသုံးပြုမယ်ဆိုရင်တော့ App Store နဲ့ Google Play တို့ကနေ စက္ကူလေယာဉ်ပျံပုံနဲ့ Telegram ကို Download ရယူနိုင်ပါတယ်။

Welcome Screen ကိုကျော်လိုက်ပြီးတာနဲ့ ဖုန်းနံပါတ်ကို ထည့်သွင်းပေးရမှာ ဖြစ်ပါတယ်။ Telegram အနေနဲ့ ဖုန်းနံပါတ်အစစ်ဖြစ်မဖြစ်ကို ဂဏန်းလေးလုံးပါတဲ့ ကုဒ်နံပါတ်ပေးပို့ပြီး ဖြည့်သွင်းပေးရပါမယ်။ ကုဒ်နံပါတ်ကိုဖြည့်သွင်းပြီး ရှေ့ဆက်လုပ်ဆောင်သွားရမှာပါ။

Telegram က အသုံးပြုသူတွေကို ကိုယ်စိတ်ကြိုက်ဓာတ်ပုံတွေထားခွင့်ပေးထားပြီးတော့ ကိုယ့်ရဲ့ နာမည်နဲ့ ကိုယ်ထားမယ့်ဓာတ်ပုံကို သတ်မှတ်ပေးရမှာပါ။ လိုအပ်တဲ့အချက်အလက်တွေကို ဖြည့်သွင်းပြီး အသုံးပြုနိုင်ပါပြီ။

ဖုန်းမှာမှတ်ထားတဲ့ Contact တွေထဲက Telegram အသုံးပြုသူတွေကို Telegram က အလိုအလျောက်လိုက်ရှာပေးပြီးတော့ သူငဘ်ချင်းတွေနဲ့ စကားပြောလို့ရမှာ ဖြစ်ပါတယ်။ Telegram အသုံးပြုတဲ့သူငယ်ချင်းတွေနဲ့ ဆက်သွယ်နိုင်ပြီးတော့ မသုံးတဲ့ သူငယ်ချင်းတွေကိုလည်း Telegram App ကနေတစ်ဆင့်ကြည့်ပြီး Invite လုပ်နိုင်ဦးမှာ ဖြစ်ပါတယ်။ Messenger တွေ WhatsApp တွေလို တစ်ခြားစာပို့တဲ့ App တွေလိုပါပဲ အကောင့်ရှိတဲ့သူငယ်ချင်းတွေနဲ့ ချတ်ဆက်စကားပြောနိုင်ပါတယ်။

တခြားစာပို့တဲ့ App တွေနဲ့မတူညီတာကတော့ Telegram ကနေတစ်ဆင့် အချက်အလက်တော်တော်များများကို ပေးပို့နိုင်ပါတယ်။ စာပို့တဲ့နေရာဘေးက စက္ကူညှပ်ကလစ်ပုံလေးကို နှိပ်ပြီးတော့ ကိုယ်ပို့ချင်တဲ့အချက်အလက်အမျိုးအစားကို ရွေးချယ်နိုင်ပါတယ်။ ဓာတ်ပုံတွေ ဗီဒီယိုတွေကိုလည်း ချက်ချင်းရိုက်ပြီး ပေးပို့နိုင်ပါသေးတယ်။

Telegram

Photo source https://telegram.org/

ကိုယ်အခုရောက်နေတဲ့ လက်ရှိတည်နေရာကိုပေးပို့မယ်ဆိုရင်လည်း တည်နေရာကိုဖုန်းမှာ ဖွင့်ခွင့်ပေးပြီးတော့ သူငယ်ချင်းတွေကို ပေးပို့မျှဝေနိုင်ပါတယ်။ မြေပုံတစ်ခုပေါ်လာပြီးတော့ ကိုယ်ရောက်ရှိနေတဲ့နေရာအတွက် အမှတ်အသားတစ်ခုလည်း ပြပေးနေမှာ ဖြစ်တဲ့အတွက် တစ်ယောက်နဲ့တစ်ယောက် ရှာဖွေရပိုလွယ်ကူမှာ ဖြစ်ပါတယ်။

Contact Tab ကနေ Secret Chat ကိုရွေးချည်ပြီးတော့ သူငယ်ချင်းရဲ့နာမည်ကို ရွေးလိုက်မယ်ဆိုရင် ဘယ်သူမှမသိအောင် တိတ်တဆိတ်စကားပြောနိုင်မှာ ဖြစ်ပါတယ်။ ပို့သမျှစာတိုင်းကို လျှို့ဝှက်ထားပေးမှာဖြစ်ပြီးတော့ ရိုးရိုးစာပို့သလိုပဲ အားလုံးပေးပို့နိုင်မှာ ဖြစ်ပါတယ်။ ဒီလိုပို့တဲ့နေရာမျိုးမှာ စာကို အလိုအလျောက်ဖျက်ဆီးပစ်နိုင်အောင်လည်း သတ်မှတ်ပေးလို့ရပါသေးတယ်။ စာတွေကို တစ်စက္ကန့်၊ နှစ်စက္ကန့်၊ ငါးစက္ကန့်၊ တစ်မိနစ်၊ တစ်နာရီ၊ တစ်ရက် ဒါမှမဟုတ် တစ်ပတ်ဆိုပြီးတော့ သတ်မှတ်နိုင်ပါတယ်။

App ရဲ့ Setting ကနေလည်း အလှကြိုက်တဲ့သူတွေအတွက် Chat Background ကိုကိုယ်ကြိုက်သလို ပြုပြင်ပြောင်းလဲပေးနိုင်ပါတယ်။ ရှိပြီးသားပုံတွေအပြင် ကိုယ်ကြိုက်တဲ့ပုံတွေကိုလည်း ထည့်သွင်းအသုံးပြုနိုင်ပါသေးတယ်။